أصـــعـــب ســـؤال؟؟

اصعب سؤال اللي جوابه للاسف مثله سؤال

ماهو تفلسف الا موقف صار وأسمع ثاني بيت

البارحه يومه سال و ش ذكرك ذيك الليال

كان الجواب بكل بساطه من متى اصلا نسيت

ادري انه بجمع الصعوبه وبالبساطه شى محال

لكنها صارت كذا واللي اهم اني دريت

ان الحياه فبعد احبابك اذا جف الوصال

تعيشها لو تقتنع انك خلاص اصبحت ميت

ياصاحبي لو كل شى يمر بالخاطر يقال

مكانت العبره تولجني ليامنك طريت

شفني قدرت احبس دموعي بس دمع القاف سال

وياكبرها سالت ولكن داخل اوراقي بكيت

عمرالحكي ما كان داخل لا بتدت قولة تعال

لاجل اتجاه رجفة حروفي ليا مني حكيت

الحال في بعدك قسم بالله ماسميه حال

انوي على الضحكه واحس كلي خطا لاني نويت

اتصور انك من رحلت اشوفك لجسمي ضلاال

لشفته امشى ببتعد واثره معي مهما مشيت

مادام يعني في بحرك الفرحتي مليون جال

وشفيا موجك ماركد قربت اموت ومارسيت

يرضيك ما عادت معي تفرق اذا جابوك في اطراف الجدال

وانا قبل لقالو اسمك كني ميت ثم حييت

تعبت اعيش الدور وافتح للمعابير الخيال

اتخيل اني جيت في بالك وبانك استحيت

تردلي كلك وله وتقول كن البعد طال

ومن الفرحه ماعتبتك واقول ياخي ما بغيت

حتى وانا اتخيل حسيتك لان قلبي لا يزال

يكرر اسمك داخل اعماقي بنبضه لا سهيت

قلي شسوي فيك وانت بداخلي اصدق مثال

للحب واحساس القصيد ان عانقني الليل وسريت

ربي يصبرني على الفراق مدام الحظ مال

وانت بيجلك يوم تعرف ليه في بعدك شكيت

واذا بلااك الله وعذبك اشتياقك بس تعال

واقرى القصيد في غيبتي بيت بيت

بتدري ان اصعب سؤال الي يجي رده سؤال

لقلتي وش ذكرك ثم قلتلك من متى اصلا نسيت

قصيده لشاعرها "محمد جار الله السهلي"
وحبيت تشاركوني قرائتها وروعتها..

صح لسانك انتي والشاعر

مشكووورة غلاتي على نقلها لنا

تقبلي مروري

تسلم ايدين الي نقلت
لاخلا ولاعدم

يع ـطيكـ الع ــافية
تقبلي مروري
I love you

يعطيكم العافيه..
نورتوا صفحتي يالغالين..